Kacyiru:IMENA SOFTEK mu bikorwa byo kurwanya igwingira ry’abana bato- Bagiye gukamira 4 bari mu muhondo kugeza bageze mu cyatsi
Kampanyi y’urubyiruko , ibikorwa byabo byibanda ku ikoranabuhanga, IMENA SOFTEK LTD kubufatanye n’umurenge wa Kacyiru mu karere ka Gasabo. Uyu wa 14/3/2023 Hakozwe igikorwa cyo kwigisha uko hategurwa indyo yuzeye muri gahunda yo kurwanya igwingira mu bana bato, Hanatewe ibyapa biriho inyigisho zigisha gutegura indyo yuzuye.
Ubuyobozi bwa IMENA SOFTEK LTD bwaniyemeje gukamira abana 4 byagaragaye ko bari mu muhondo kugeza bageze mu cyatsi.
Umuyobozi wa Kampani Ndagijimana Gedeon, yabwiye HANGA News ko hanatangijwe ikoranabuhanga mu murenge wa Kacyiru, ari naho bafite ikicaro rizajya rifasha gukurikirana gahunda zose za Human Security Issues. Ati:”Iyi System yubatswe na IMENA SOFTEK ijya kurisha ihera ku rugo, niyo mpamvu hano dufite ikicaro twabanje kubasogongeza ku byiza mu rwego rwo kwihutisha iterambere twahereye iwacu, ariko n’abandi tuzabageraho ”.
Bamwe mu baturage , bashimiye iyi kampani Rushingabigwi yagize,ati:” Mukomerezaho, rwose iyi Gahunda ni nziza kuko biratanga ikizere cy’ejo hazaza ku bana bakiri bato kuzakura bagwiza ubwenge Kandi rwose muzagere no muyindi mirenge yose kuko naho murakenewe kugirango mufatanyirize hamwe gufasha umwana gukura neza no kurya indyo yuzuye”
Undi witwa Dany Pracide, ati:”IMENA SOFTEK tunejejwe n’ibikorwa byanyu, mukomerezaho, kuko umuryango nyarwanda ukeneye imbaraga n’ubufatanye byanyu”.
Tubibutse ko IMENA SOFTEK , ari kampani bakoze Igihangano cyitwa UMUSANZU DIGITAL gifasha Abanyarwanda muri rusange muri Gahunda ya Guverinoma ya CASHLESS ECONOMY.
Ubwo bari bamaze gutera icyapa kiriho ubutumwa bukangurira abaturage gutegura indyo yuzuye.
Icyapa bagiteye mu nzira nyabagendwa.
Icyapa kiriho ubutumwa mu mashusho no munyuguti.
Abana 4 bari mu muhondo , biyemeje kubakamira kugeza ubwo bageze mu cyatsi.
