Umurenge wa Kigali: Abaturage batashye ibiro by’Akagali biyujurije bifite agaciro ka Miliyoni 130 Rwf -Hanasojwe amarushanwa ategura isabukuru ya 35 y’umuryango FPR
Mu rwego rwo kwizihiza isabukura ya 35 y’umuryango wa FPR -Inkotanyi umaze uvutse, uyu wa 24/12/2022 ,abaturage b’akagali ka Ruliba batashye ibiro biyujurije bifite agaciro ka Miliyoni 130 z’amafaranga y’u Rwanda.
Komiseri Ushinzwe Ubukungu muri FPR-INKOTANYI mu murenge wa Kigali , Ntirushwa Christopher yabwiye HANGA News ko hari ibikorwa byinshi bakoze hirya no hino mu murenge bitanduka, harimo kubakira inzu abaturage batishoboye, amarerero (ECD), ubwiherero, kurwanya nyakatsi y’uburiri batanga metera mu baturage batishoboye, mu myidagaduro hateguwe amarushanwa y’umupira w’amaguru mu nzego z’urubyiruko (bahungu n’abakobwa) , batirengagije isuku n’ibindi….
Ati:”Turi mu minsi mikuru itegura isabuku y’umuryango FPR-INKOTANYI ya 35, hari byinshi turimo kwishimira twagezeho , uyu munsi twasoje amarushanwa y’umupira w’amaguru amakipe 3 yatsinze yahembwe iya mbere mu bagabo n’abagore twazihaye igikombe n’amafaranga, nyuma nibwo twatashye akagari ka Ruliba kuzuye biturutse mu mbaraga z’abanyamuryango n’abaturage muri rusange ,bishatsemo ubushobozi kuzuye harimo byose tubiteranyirije hamwe byatwaye asanga Miliyoni 130 z’amafaranga y’u Rwanda ”.
Christopher yakomeje ashimira abaturage ubwitange bwabo, cyane abafatanyabikorwa nka kampani ikora ubucukuzi bw’amabuye y’agaciro muri uyu murenge yitwa Gamico ltd, yagize uruhare rukomeye mu mwiteguro y’amarushanwa y’umupira w’amaguru.
Christopher yasoje ikiganiro asaba abaturage gushikama ku mahame y’umuryango FPR-Inkotanyi, ati:”Turifuza ko abaturage basosa umwaka mu mahoro bari mu ikoranabuhanga intore salution nk’uburyo butuma bisanzura no gushyigikira umuryango”.
Vice Chairman ari kumwe na komiseri w’ubukungu bagiye gutangira umukono.
Chairman na komiseri batangiza umukono.
Abayobozi batandukanye bari gukurikira umukono.
Ikipe y”abagore yatwaye igikombe.
Ikipe zegukanye ibihembo.
Umukino utangira Christopher yabanje gusuhuza abakinnyi.
Hatanzwe ibihembo.
Byari ibyishimo.
Akagari ka Ruliba batashye.
Kuzuye bivuye ku nkunga z’abaturage.
Ubwo batahaga aka kagari.
Habayeho ubusabane.
