Cyusa Mugisha Ivan wiga Rossignols wabaye uwa kabiri mu gihugu yabuze 0.6% ngo agire 100% mu bizami bisoza amashuri abanza

Minisiteri y’uburezi n’Ikigo NESA batangaje ko ibyavuye mu bizaminii by’amashuri abanza n’ayo mu cyiciro rusange byerekana ko mu bana mu biga mu mashuri abanza mu babaye aba kabiri mu gihugu hari uwo mu Karere ka Kamonyi, umurenge wa Runda witwa  Cyusa Mugisha Ivan wiga muri Ishuri Ecole Rossignols.

Uwo mwana yabuze ibice bitandatu ngo agire 100% yagize amanota 99.4%, aho yakurikiye uwa mbere wiga Wisdom School Bugesera yitwa Rwego Mutijima Bruno yagize amanota 99,6%.

Uwa Gatatu nawe yiga mu Kigo cyo mu Bugesera kitwa Wisdom School Bugesera.

Mu mwaka w’amashuri wa 2025/2026, abatsinze ibizamini bya Leta ni 88,21% mu mashuri abanza na 85,7% mu Cyiciro Rusange cy’amashuri yisumbuye.

Muri bo abakobwa mu mashuri abanza ni 87,1%  mu cyiciro rusange bakaba 82,63% naho abahungu mu mashuri abanza ni 89,59% naho mu cyiciro rusange cy’amashuri yisumbuye bakaba ari 89,8%.

Ikindi cyagaragajwe ni uko abana bigaga baba ku ishuri ari 17.412 ari bo batsinze mu gihe abigaga bataha ari ibihumbi birenga 240.

Umunyamabanga wa Leta muri Ministeri y’Uburezi, Irere Claudette, n’Umuyobozi Mukuru wa NESA Dr. Bahati Bernard, Umuyobozi Mukuru wa REB, Dr. Nelson Mbarushimana nibo bari bayoboye iki gikorwa cyabereye muri Camp Kigali.

Imibare ya NESA igaragaza ko abanyeshuri bose bakoze ibizamini by’amashuri abanza ari 277, 579 kandi ko 88.21% ari bo babibitsinze bavuye kuri 75.6% mu mwaka w’amashuri wa 2024-25.

Umwana wabaye uwa mbere mu bizamini by’amashuri abanza yahembwe mudasobwa. ndetse n’uyu wa mukurikiye niyo yahawe.

Tubibutse ko, kuwa 9/8/2026 iri shuri ryizihije ku nshuro ya gatatu umuhango wo gusezerera abanyeshuri basoje amashuri abanza, mu birori byaranzwe n’ibyishimo, ishimwe n’icyizere cy’umusaruro mwiza mu bizamini bya Leta.

Icyo gihe ubuyobozi bw’ishuri bwagaragarije ababyeyi ikizere ko aba banyeshuri bazitwara neza mu bizamini bisoza amashuri abanza, ndetse bukaba bwarizeraga ko umusaruro uzagera 100%. N’ubwo habuze 0,6 % bamwe mu babyeyi barerera muri iki kigo , bavuze ko bishimiye Aya manota , Ati:’Ni ikizere kuba turerara Rossignols, amanota twabonye aratanga ikizere ko ikigo gutanga uburezi bufite ireme ku bana bacu, nta mubyeyi utashima ubuyobozi bw’ishuri bwaduhesheje ishema ku ruhando mpuzamahanga”.

Icyo gihe Musoni Janvier, uhagarariye Ishuri Ressignols mu mategeko, yashimiye cyane ababyeyi kubera uruhare bagira mu burezi bw’abana babo, ashimangira ko uburezi bufite ireme busaba ubufatanye hagati y’ishuri, ababyeyi n’inzego za Leta.

Bamwe mu babyeyi bari bitabiriye Graduation, ubu bishimiye umusaruro w’amanota y’abana babo. Ari nako bashima ikigo cyabigishije neza.