Senateri Dr Frank Habineza Yasuye Inganda n’Abaturage mu Karere ka Ngoma mu Rugendo Ngarukakwezi
Ngoma, Rwanda, uyu wa kabari Tariki ya 16/12/2025 – Byari umunsi w’ibyishimo no kwishimira ibikorwa by’iterambere mu Karere ka Ngoma ubwo Senateri Dr Frank Habineza yagiraga urugendo ngarukakwezi rugamije kwegera abaturage no kureba uko ibikorwa by’iterambere byifashe mu karere.
Muri uru rugendo, Senateri yasuye uruganda rutunganya inanasi ruri ku nkengero z’Ikiyaga cya Mugesera, mu Murenge wa Mugesera.
Yashimye uburyo uru ruganda rukoresha ingufu za Biogaz n’iz’izuba mu mikorere yarwo, agaragaza icyerekezo cy’igihugu mu guteza imbere inganda zitangiza ibidukikije no gukoresha ingufu zisubira.
Mu masaha ya mu gitondo, uyu Senateri Dr Frank Habineza, yasuye agace gateganyirijwe inganda ndetse na Agaciro Center iri mu Mujyi wa Ngoma, ahibanzwe ku bikorwa by’ububaji (carpentry) bitanga akazi ku rubyiruko kandi bigateza imbere ubukungu bw’Akarere.
Nimugoroba, Senateri yitabiriye Inama y’Inama Njyanama y’Abaturage, aho yagejeje ku baturage ubutumwa bwihariye bwa Sena y’u Rwanda ku bijyanye n’isuku n’isukura.
Abaturage baboneyeho umwanya wo kubaza ibibazo bitandukanye, maze ku bufatanye n’Umuyobozi w’Akarere, haboneka ibisubizo byuzuye ku bibazo byagarutsweho.
Urugendo rwasojwe mu byishimo, aho Senateri yashimiye abaturage b’Akarere ka Ngoma ku bufatanye n’urugwiro bagaragaje, ndetse anishimira imbyino gakondo nyarwanda zabaye igice cy’umunsi.
