Kigali:Murindabigwi yanteye mu rugo yitwaje umuhoro arantema -Umucamanza Kanzayire nihanye perezida w’urukiko akanga bamugize umwere,Benoni aratabaza

Umuturage witwa Ntaganzwa Benoni, atuye mu murenge wa Ndera, akarere ka Gasabo, umujyi wa Kigali, akagari ka Masoro, umudugudu wa Mubuga.

Arimo gutakambira inzego bireba kumurenganura mu karengane yakorewe n’umucamanza witwa Kanzayire Bernadette yihannye mu rubanza rwe Perezida w’urukiko rukuru akabyanga, none uwamuhohoteye witwa Murindabigwi Cylliro yamurekuye amugize umwere.

Mu kiganiro Benoni yagiranye na HANGA News uyu wa 18/2/2023 yavuze ko yatewe mu rugo n’umugabo witwa Murindabigwi Cylliro yitwaje umuhoro asanga adahari ashaka gutema abana baramuhunga bifungirana mu nzu baramutabaza, ngo yaje atabaye asanga uyu Cylliro yapfumuye igipangu ari imbere mu rugo , ati:”Yarambonye ahita abwira ko yanyiteguye , icyo yateguye kuva cyara agiye kugishyira mu bikorwa , yahise abangura umuhoro agiye gutema ijosi ndunama ufata ubusa , nuburutse mfite igiti yatema nkagikinga amahirwe ngwa mu cyobo yari yatangiye gucukura iwanjye mu rugo hamwe n’abakozi yazanye, mvuza induru ntabarwa n’umugabo twazanye wari wasigaye ku irembo”.

Benoni yakomeje avuga ko yahise yitabaza Polisi ya Gasabo, D.P.C abwira command wa Ndera baramutabara Bahita bata muri yombi uyu Cylliro, we bamutwara kwa muganga.

Yakomeje avuga ko yahise atanga ikirego muri RIB , ati:”RIB yakiriye ikirego cyanjye bakora na Dosiye , tuza kuburana mu rukiko rwisumbuye rwa Gasabo Tariki ya 3/12/2021 ruhanya uyu Cylliro icyaha cyo gukubita no gukomeretsa ahanishwa gufungwa Imyaka 10 no gutanga indishyi ya Miliyoni zigera kuri 5 Rwf).

Uyu Benoni, yavuze ko yatunguwe nuko umucamanza witwa Kanzayire Bernadette yaje kumuhamagara amubwira ko aje gukora iperere ahabereye icyaha, ariko ntiyamubaza cyangwa ngo abaze abatangabuhamya byabaye bareba , ati:”Yaraje ahitira mu rugo rwaho dufitanye ikibazo, igitangaje nuko yaje abaza ikibazo cy’imbibi Kandi Atari cyo twarege mbimubajije abwira nabi cyane , ahita abwira umwanditsi bazanye ngo yandike ko nasuzuguye urukiko”.

Benoni, akomeza avuga ko yabonye Uyu mucamanza arimo kubogama , ahita yandikira Perezida w’urukiko rukuru amusaba guhindura umucamanza ntiyamusubiza, ati:”Nandikiye Perezida w’urukiko rukuru nihana umucamanza inshuro 3, yanga kusubiza naho asubirije yabwiye ko bidashoboka, Umwunganiza wanjye mu mategeko Iyamuremye Ndayambaje Simo ako kanya we yahise yikura mu rubanza avuga ko bahinduye ikirego ataburana ibintu birimo amafuti n’amanyanga”.

Benoni ,uyu mucamanza Bernadette yamubwiye ko yaba ahari cyangwa atanahari azaruca ubutaha, ”Ururanisha rwarabaye , uyu wa 17/2/2023 uyu mucamanza yasomye urubanza yemeza ko Cylliro yakoze icyaha cyo gukubita no gukomeretsa ariko atabiryozwa kubera yarimo kwitabara”.

Bamwe mu baturage bari bitabiriye kumva isomwa ry’uru rubanza babwiye HANGA News ko batunguwe ndetse banumiwe, ati:”Ni gute ? umuntu avuga ko yateye urugo apfumuye igipangu yitwaje umuhoro uyu mucamanza yavuga ngo ntiyabiryozwa kuko yabikoze yitabara, baracyeka ko yahawe Ruswa ”.

Benoni, arimo gutakambira inzego bireba kumufasha kuko yarenganiye mu rukiko rukuru, ati:”Ndatakambira Perezida Kagame afashe kuko ibyo barimo gukora n’amanyanga , ubu ubuzima bwanjye n’umuryango turi mu kaga , uyu Cylliro umuryango we urimo kuvuga ko ugiye kwihimura ndacyeka ko ejo cyangwa kuwa mbere azataha kubera Bernadette yamugize umwere yiregangije Dosiye za RIB , impapuro zo kwa muganga, abatangabuhamya yabimye ijambo ,, turi mu rujijo turabo gutabarwa ”.

Umuvugizi w’inkiko Harrison Mutabazi, HANGA News twamubajije iby’iki kibazo turimo gutegura iyi nkuru isohotse ntacyo arakubwira, nagira icyo atubwira tuzabishyira mu nkuru itaha.

Benoni agaraza ko yahohotewe bikomeye, usaba guhabwa ubutabe.

Igipangu cye ,avuga ko yatemewemo.

Ibaruwa yagiye yandika asaba guhindurirwa umucamanza ariko byaranze.

Perezida w’urukiko rukuru yandikiwe kenshi amusaba ubufasha ariko byaranze.

Urukiko rwisumbuye rwa Gasabo rwahanishije uyu Cylliro gufungwa Imyaka 10, ariko Bernadette bavuga ko byose yabimuhanaguyeho amugira umwere.

Umuhoro yamutemesheje RIB igenza icyaha yarawutwaye.

RIB igenza icyaha , dosiye yakozwe.

Benoni araba guhabwa ubutabera, uyu Cylliro Bernadette yagize umwere akabiryozwa.